其實呢... 如果你求婚咁大件事都要靠planner，真係非常之無誠意，大佬，一生人一次嘅嘢，我唔介意簡單、亦唔介意鋪張，但我好介意你假手於人，仲要洗萬五蚊去買飄雪？懵丙，搵個星期六call架uber叫佢帶passport之後剷入機場，直接上機去日本搵座雪山求婚星期日返黎，機票來回都唔駛萬五啦... 有冇咁蠢呀你？仲話做金融？你啲金就真係溶了。
再者，一個連求婚都無料乾塘的男人，婚後的生活一定更加慘不忍睹，你真係嫁呀？我真係恭喜你呀！洞房嗰晚需要找袁和平來當動作指導嗎？
最後補充一點：報導入面那位莫生藝高膽大，好孩子不要隨便模仿用黃玫瑰求婚，黃玫瑰花語是：拒絕的愛。